Rap wuute gi ci sumb yi

'''Rap''' xeetu [[woy]] la, bokk ci yëngu-yëngub caada bii di [[Hip-hop|hip-hop]] tambali ci ndoorteelu ati 1970 ca [[Réew yi Bennoo]] yi, ci biir askanu waa-aamerig yu ñuul yi . Am na ñu ne aji-rap bii di [[Joe Tex]] moo sos baat bi. Ci njëlbeen MC yi,(masters of ceremony, njiitu xew mi)liggéeyam moo doonoon jàppale DJ bi, wàll wi ñu doon rap la ñu doon woowee MCing. [[Break dancing|''break dancing'']], ''[[DJing]]'', ''[[MCing]]'' ak [[Graffiti|''graffiti'']] yi, ñooy ñenti ponku yi caaday [[hip-hop]] dàttu.

Bari nañ gangoori rap yu seeni mbidd fees aki ñaxtu, ay kaas. Li gëna fés ci seeni mbind, te yenn saa yi ñakk-kersa lool, ñi ngi leen jëmale ci way-politig yi, takk-der yi, yoon,... Ci [[Senegaal]] rap teel na fee àggsi, ci njëlbeenu ati 1980 la waa-senegaal yi tambalee xam aji-rap yu mag niki gangoor bii di [[Public Enemy]], [[Africa bambata]],...

Taariixu rap dafa séddaliku ci ay jamono: [[Rap Old school]] ([[1970]]-[[1985]]), di ndoorteel gi, ba ci[[Rap Golden Age]] (1985-1993), di jamono ji rap tambalee am doole dëgg, ci la [[East-Coast]] (tefesu penku) ak [[West-coast]] (tefesu sowwu)juddu. Ci jamono jii la yeneen xeeti rap yii di [[Gangsta rap|gangsta rap]] ak [[G-funk]] juddu ca West Coast. Ci [[1993]] ba tay [[Rap Hardcore|rap Hardcore]], [[Bling-bling|bling-bling]], [[Underground|underground]], añs, ñoo fi juddu.

Rap a ngi juddoon ci yeneen xeeti woy yii di [[Funk|funk]], [[Gospel|gospel]], [[Soul|soul]], [[Blues|blues]], rawatina [[Talking blues|talking blues]]. Mi ngi juddu ci ati 1970 ca [[Bronx]], di ab gox-goxaanub [[New York]], di barab ba gangoor ba tuddoon Organization te gëna siiw ci [[Zulu Nation]]. Li ëppoon ci seeni wax ci aadaay [[Afrig]] ak [[Jamayka]] la doon jóge.

Kon ci ati 1970, ci xewi mbedd yi la nit ñu nel ne [[DJ Kool Herc]] tambalee taqale xeeti woy yu mel [[funk]], [[soul]], [[R&B]], [[disco music]]. Ñu tambali di leen tek ci mbedd yi, ci xew, géej, dañ ko jàppe woon fo, bégal seen bopp ànd ak seen dj. Bi xeetu woy wi tambalee am ciiwte, lañ tudde woykat bi MC ([[Master of ceremonies]]). Li MC bi doon def sax man nañ kaa baña tudde woy ndax da doon wax ci biir woy wi dj bi tegg, ci wàll yi amul wax, doonoo wax ju neex, loolu dem bañ tudde ko "[[Rapping|rapping]]". Doonul woon lun ñu man def ciy tappaan di leen jaay, ndax ay waxantu lañ woon rekk, yu ñu doon xalaat ci jamono ji ñu ko doon waxe.

Ci 1979 la tappaan bi ñeel bii xeetu woy njëkk a génn: [[""Rapper's Delight""]] bu [[Sugharhill Gang]]. [[Aji-rap]] mooy kiy def rap, ci wolof, waaye ci kàllaama waa-angalteer "rapper" la ñuy wax kiy def "rapping", baat baa ngi juddu ci woy woowu.

Ci ati juroom-ñett yi la Rap tambali bari melo, di màgg ci yeeneen melokaan yu gëna fasu. Ci jenn jamono ji, yeneen feem yu xereñ gis-bés, lu mel ne [[Scratching|scratching]].

Laataa jamono jii, xeetu rapin bi fi nekkoo dafa dattu woon ci [[Breaks|breaks]] ak [[Woyu mbëjfeppalwoyu mbëjfeppal]]. Ñëwug waa [[Run-DMC]] soppi lépp: seen feem kàttanu woon na te metti, ñoo ci tambaalee dugal ay jumtukaay yu bees, ay [[Riff|riff]] yu [[Xalam|xalam]], yàggul dara ñu nekk ay royuwaay. Waa Run-DMC ñoo ubbi buntu [[Ati wurusu rap|ati wurusu rap]], mujj doon gangooru rap bi njëkka àgg ci collu àddunay woy, amoon ciiwte gu jéggi-dayoo te wéy di màgg. Ci nii rap bi tas ci àdduna yépp ni ab pënd

Ci [[Senegaal]] rap teel na fee àggsi, ci ndoorteelu ati juroom-ñett yi la gangoor yi njëkk juddu. [[MC Lida]] mooy ki njëkka génne ab tappaanu rap, tuddoon [[Duma doyal mukku]] mooy aji-rap bi njëkk ci [[Senegaal]]. [[PBS]] tegu ci ag génneem boobu di [[Ataaya]]. Rapu Senegaal ci at yooyu waxi mbëggéel moo ci gënoona fés, ci [[1998]] [[rap Gaalsene]] am jekkiku gu am solo, beneen xeetu rapin feeñ, [[Rap underground|rap underground]]. Waa [[Rap-adio]] ñoo indi feemu rapin bu bees bi Senegaal, doonoon [[Rap ñaxtu|rap ñaxtu]], seenug ñëw yokk rap doole, daanaka li ëpp ci yeneen aji-rap yi ñëw ci seen ginnaaw yépp rapin boobu lañu jël.Tay gangoori rap yu Senegaal xayma nañ leen ci lu tollook 2500.

[[catégorieWàll:Hip Hop]]

[[it:Musica rapRap]]