Xëtu web wuute gi ci sumb yi

'''Xëtu web''' wenn la ci Xëti [[World Wide Web]] bi, doon lu ñu sakk ngir ay nemmeekukat man kaa yër ci ndimbalu ab [[Joowukaay|joowukaay]]. Aw xëtu web day am ab [[Màkkaanu web|màkkaanu web]] bu muy àndal ngir ñu man kaa ubbi ci joowukaay bi. Ci jëmmam dëgg, Xëtu web, day nekk ab mbooloom ay mbind, ay nataal aki riir, ci gattal lépp lu gisu walla déggu.

Fànn yi ñu man a saytoo aw xëtu web bari nañu: man ngaa bind ci banqaasu màkkaan yu joowukaay bi [[Màkkaanu web|màkkaanu webam]], walla nga topp ab lëkkalekaay bu nekkoon ci weneen xët. Li ëpp ci joowukaay yi ñu gën a jëfandikoo dees la koy won cib [[Wonekaayub nosukaay|wonekaayub nosukaay]] jaare ko cib palanteer bu mu lay tijjil, tax it manees koo [[Móol|móol]]. Làkkiin wu [[HTML]] mooy cëslaay gi ñu sukkandiku ngir sos xëti web yi, ba tax saytu gi man a am ak jumtukaay yu wuute: dayob wonekaay bu ne, móolukaay yi, añs.

Cig xereñ, aw xëtu web dafa cëruwoo ne-ne yu wuute yi ne ci [[World Wide Web]] bi. Ci lu daj ne-ne bi ci njëkk ab [[Jukki|jukki]] bu ñu bind ci [[Làkkiinu xibaarfeppal|làkkiinu xibaarfeppal]] gu [[HTML]]. Làkkiin wii di HTML day tax ñu man a sos ay xëti web, jox leen ay [[Màkkaanu web|màkkaani web]], tax itam nu man a melowal xët wi, tëral ni ci ne-ne yi taxawee.